Actualitats
Giannis Varoufakis: “E portarai amb fiertat l’òdi dels creditors”
Vos ofrissèm en occitan l’escrich de Varoufakis ont justificava en anglés sa demission. Efkleidis Tsakalotos lo remplaça coma ministre grèc de las finanças
Lo ministre grèc de las finanças, Giannis Varoufakis, anoncièt ièr que demissionava. O diguèt dins son blòg qualques oras après lo referendum sus las condicions de la tròica que ganhèt lo “non”. Varoufakis explica sa decision de demissionar: ditz que Tsipras considèra que la demission del ministre pòt far mai aisida la negociacion entre Grècia e l’Union Europèa. Ditz que qualques membres de l’Eurogrop se vòlon pas sèire a la taula de de negociacion amb Varoufakis, e qu’ara cal un acòrdi “qu’implique la restructuracion del deute, mens d’austeritat, la redistribucion en favor dels mai necessitoses e de reformas realas”.
Lo referendum del 5 de julhet demorarà dins l’istòria coma lo moment unic qu’una pichona nacion europèa se quilhèt contra l’esclavatge del deute.
Coma totas las luchas pels dreches democratics, tanben aqueste refús istoric a l’ultimatum de l’Eurogrop del 25 de junh arriba en tenent la marca d’un prètz elevat. Es essencial, doncas, que lo grand capital autrejat al nòstre govèrn per l’esplendid vòt del NON, investit immediatament en un ÒC a una solucion adeqüata —a un acòrdi qu’implica la reestructuracion del deute, mens d’austeritat, la redistribucion en favor dels mai necessitoses e de reformas realas—.
Pauc après l’anóncia del resultat del referendum, foguèri conscient d’una cèrta preferéncia de part de qualques membres de l’Eurogrop, e de divèrses «partenaris», per mon... «abséncia» a lors reünions; una idèa que lo primièr ministre considerèt que podiá èsser utila per arribar a un acòrdi. Per aquesta rason daissi uèi lo Ministèri de las Finanças.
Considèri qu’es lo mieu dever d’ajudar Alexis Tsipras per qu’espleche, tant coma pòsca, lo capital que lo pòble grèc nos a autrejat mejançant lo referendum d’ièr.
E portarai amb fiertat l’òdi dels creditors.
Nosautres, las gents d’esquèrra, sabèm coma agir collectivament sens que nos impòrten pas los privilègis de las cargas. Sostendrai plenament lo primièr ministre Tsipras, lo nòu ministre de las finanças e lo nòstre govèrn.
L’esfòrç subreuman per onorar las gents valentas de Grècia, amb lo famós ΟΧΙ (NON) qu’an autrejat als democratas de tot lo Mond, a pena ven de començar”.
Tsakalotos remplaça Varoufakis coma ministre grèc de las finanças
Efkleidis Tsakalotos es estat nomenat oficialament nòu ministre de las finanças de Grècia en substitucion de Giannis Varoufakis. Tsakalotos es coordenaire de las negociacions amb los creditors internacionals de Grècia. A la diferéncia de Varoufakis, es pas un independent de Syriza. N’es membre dempuèi aperaquí una decada e es deputat del parlament grèc (la Vouli) dempuèi 2012.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo refús istoric de las cigalas a l'ultimatum de las formigas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari